Shree Brahma Baidarkala Garodi Kshetra, Sastana (Goligarodi)

ಪಾಂಡೇಶ್ವರ, ಮೂಡೋಡು, ಐರೋಡಿ, ಗುಂಡ್ಮಿ, ವಾರಂಬಳ್ಳಿ, ಹಂದಟ್ಟು, ಬಾಳಕುದ್ರು, ಹಂಗಾರಕಟ್ಟೆ, ಕೋಡಿ, ಪಾರಂಪಳ್ಳಿ ಹಾಗೂ ಎಡಬೆಟ್ಟು ಗ್ರಾಮದ ಜನರು ಈ ಗರೋಡಿಯ ಕೂಡುಕಟ್ಟಿಗೆ ಸೇರಿದವರು. ಊರ ಜನರು ಗರೋಡಿಯಲ್ಲಿ ನೀರುಸ್ನಾನ, ತುಲಾಭಾರ ಸೇವೆ, ಮದುವೆ ಮುಂತಾದ ಶುಭ ಸಂದರ್ಭದಲ್ಲಿ ತೆಗೆದಿಡುವ ಜೋಡುಕಾಯಿ ಕಾಣಿಕೆ ಸೇವೆ, ಹೆರಿಗೆಯ ನಂತರ ತಿಂಗಳು ಮಾಡಿಸುವ ಕ್ರಮ ಮುಂತಾದ ಹರಕೆಯ ಸೇವೆಗಳಲ್ಲಿ ಭಾಗಿಯಾಗುತ್ತಾರೆ. ಊರ ಪರವೂರ ಭಕ್ತರ ವಂತಿಗೆ, ಕಾಣಿಕೆ, ದೇಣಿಗೆಗಳಿಂದ ಗರೋಡಿಯ ಕಾರ್ಯಕ್ರಮಗಳ ವೆಚ್ಚವನ್ನು ಭರಿಸಲಾಗುತ್ತದೆ.