ಶ್ರೀ ಕೊಡಮಣಿತ್ತಾಯ ಸ್ಥಾನ ಗರೋಡಿ, ಶ್ರೀ ಬ್ರಹ್ಮಬೈದರ್ಕಳ ಸ್ಥಾನ ಗರೋಡಿ, ಮುಂಡ್ಲಿ ಜಾರ್ಕಳ
ಉಡುಪಿಯಿಂದ ಹಿರಿಯಡ್ಕ – ಅಜೆಕಾರು – ಹೆರ್ಮುಂಡೆ ಮಾರ್ಗವಾಗಿ ಈ ಗರೋಡಿ ತಲುಪಬಹುದು.
ಗರೋಡಿಗೆ ಪೂರ್ವಾಭಿಮುಖವಾದ ಒಂದು ದ್ವಾರವಿದೆ.
ಗರೋಡಿಯ ಒಳಗೆ ಮಣೆ ಮಂಚದಲ್ಲಿ ಮರದ ಗುಂಡವಿದ್ದು ಗುಂಡದ ಕೆಳಗಿನ ಅಂತಸ್ಥಿನಲ್ಲಿ ನಾಗಬ್ರಹ್ಮರಿಗೆ, ಮದ್ಯದ ಅಂತಸ್ತಿನಲ್ಲಿ ಬಲ್ಲಾಳರಿಗೆ, ಮೇಲಂತಸ್ಥಿನಲ್ಲಿ ಗಾಳಿದೇವರಿಗೂ ಪೂಜೆಯಿದೆ. ಮಣೆ ಮಂಚದಲ್ಲಿ ಕೋಟಿ-ಚೆನ್ನಯರ ಹಾಗೂ ಕುಜುಂಬ ಕಾಂಜವರಿಗೆ ಪೂಜೆ ಸಲ್ಲುತ್ತದೆ. ಬ್ರಹ್ಮಗುಂಡದ ಬಲಬದಿಯಲ್ಲಿರುವ ಮಣೆಮಂಚದಲ್ಲಿ ಜೋಗಿ ಪುರುಷರಿಗೆ ಪೂಜೆ ಇದೆ. ಎಡಬದಿಯಲ್ಲಿ ಮಾಯಂದಾಲ್ ಹಾಗೂ ಮಗುವಿನ ಮರದ ಮೂರ್ತಿಗಳಲ್ಲಿ ಆರಾಧನೆಯಿದೆ.
ಗರೋಡಿಯ ಬಲಬದಿಯಲ್ಲಿರುವ ಗುಡಿಯಲ್ಲಿ ಧರ್ಮರಸು, ಕೊಡಮಣಿತ್ತಾಯ ಹಾಗೂ ಕುಕ್ಕಿನಂತಾಯ ದೈವಗಳ ಸಾನಿದ್ಯವಿದೆ. ಎರಡು ಅಜೆಕಾಯಿ ಕಲ್ಲುಗಳಿವೆ.
ಗರೋಡಿಯ ಆವರಣದ ಹೊರಗೆ, ಗೋಂದೋಲ್ ಕಟ್ಟೆ, ಮಹಮ್ಮಾಯಿ ಕಟ್ಟೆಗಳಿವೆ. ಪಕ್ಕದಲ್ಲಿ ಇರ್ಲ್ ಭೂತಗಳ (ತೂ ಕತ್ತರಿ, ಕರ್ಲ್ಲುರ್ಟಿ ಹಾಗೂ ಕಲ್ಕುಡ) ಕಟ್ಟೆಗಳಿವೆ.
ವಿಶ್ವನಾಥ ಪೂಜಾರಿ
ವಿಶ್ವನಾಥ ಪೂಜಾರಿ (45 ವರ್ಷ) ಯವರು ಗರೋಡಿಯ ಪೂ ಪೂಜನೆಯವರಾಗಿದ್ದಾರೆ. ಇವರ ಮೊದಲು ಸಂಜೀವ ಪೂಜಾರಿ, ಗೋಪಾಲ ಪೂಜಾರಿ, ಸೇಸಪ್ಪ ಪೂಜಾರಿಯವರು ಇಲ್ಲಿಯ ಪೂಪೂಜನೆಯವರಾಗಿದ್ದರು.
ಗರೋಡಿಯಲ್ಲಿ ಈಗ ಬೈದರ ದರ್ಶನದ ಸ್ಥಳ ಪಾತ್ರಿಗಳಿಲ್ಲ. ಹಿಂದೆ ಬೊಲ್ಲು ಪೂಜಾರಿಯವರು ಇಲ್ಲಿಯ ದರ್ಶನದ ಸ್ಥಳ ಪಾತ್ರಿಗಳಾಗಿದ್ದರು.
ಸಂಪತ್ ಕುಮಾರ್ ಹೆಗ್ಡೆ
ಪಡ್ಯೋಡಿಗುತ್ತು ದೊಡ್ಡಮನೆ ಸಂಪತ್ ಕುಮಾರ್ ಹೆಗ್ಡೆಯವರು ಇಲ್ಲಿಯ ಮೊಕ್ತೇಸರರಾಗಿದ್ದಾರೆ.
ಗರೋಡಿಯ ಉಸ್ತುವಾರಿಗೆ 1) ಪಡ್ಯೋಡಿ ಗುತ್ತು 2) ಕಾಳೊಟ್ಟು ಗುತ್ತು 3) ಆಯರೆ ಗುತ್ತು 4) ಬೆಳ್ಳಾರೆ ಬೆಟ್ಟು ಗುತ್ತುಗಳೆಂಬ ನಾಲ್ಕು ಗುತ್ತುಗಳು ಹಾಗೂ 1) ಕಜಲಕ್ಕಿ ಬರ್ಕೆ 2) ನೆರ್ಗಿಬೈಲು ಬರ್ಕೆ 3) ಪುತ್ತೂರು ಬರ್ಕೆ ಹಾಗೂ ಮುಡಾಲ ಬರ್ಕೆಗಳೆಂಬ ನಾಲ್ಕು ಬರ್ಕೆಗಳಿವೆ.
ಗರೋಡಿಯಲ್ಲಿ ಸಂಕ್ರಾಂತಿ ಪೂಜೆ ಹಾಗೂ ಕದಿರು ಕಟ್ಟುವ ಕ್ರಮಗಳಿವೆ. ಪುಯಿಂತೆಲ್ ತಿಂಗಳ ಹುಣ್ಣಿಮೆಯ ಪಂಚಮಿಯಂದು ಭಂಡಾರದ ಮನೆಯಿಂದ ದರ್ಶನದಲ್ಲಿ ಭಂಡಾರ ಬಂದು ಧರ್ಮರಸು, ಕೊಡಮಣಿತ್ತಾಯ ಹಾಗೂ ಕುಕ್ಕಿನಂತಾಯ ದೈವಗಳ ಕೋಲ, ಗೋಂದೋಲ್ ಸೇವೆ ನಡೆಯುತ್ತದೆ. ಮರುದಿನ ಬೈದರ್ಕಳರ ನೇಮ ಹಾಗೂ ಇರ್ಲಭೂತಗಳ ಕೋಲ ನಡೆಯುತ್ತದೆ. ಅದರ ಮರುದಿನ ಮಾಯಿಂದಾಲ್ ಕೋಲ ನಡೆದ ನಂತರ ಭಂಡಾರ ವಾಪಾಸು ಹೋಗುವುದು.
ಮುಂಡ್ಲಿ ಜಾರ್ಕಳ ಭಾಗದ ಜನರು ಈ ಗರೋಡಿಯಲ್ಲಿ ಸೇವೆ ಸಲ್ಲಿಸುತ್ತಾರೆ. ಊರ ಜನರು ಮದುವೆ ಮುಂತಾದ ಶುಭ ಸಂದರ್ಭದಲ್ಲಿ ತೆಗೆದಿಡುವ ಜೋಡುಕಾಯಿ ಕಾಣಿಕೆ ಸೇವೆ, ಹೆರಿಗೆಯ ನಂತರ ತಿಂಗಳು ಮಾಡಿಸುವ ಕ್ರಮ, ಮೊದಲಾದ ಹರಕೆಯ ಸೇವೆಗಳಲ್ಲಿ ಭಾಗಿಯಾಗುತ್ತಾರೆ. ಊರ ಜನರ ವರಡ ವಂತಿಗೆಯಿಂದ ಗರೋಡಿಯ ಕಾರ್ಯಕ್ರಮಗಳ ವೆಚ್ಚ ಭರಿಸಲಾಗುತ್ತದೆ.
ಗರೋಡಿಯು ಸುಮಾರು 65ಸೆಂಟ್ಸ ಸರಕಾರಿ ಜಾಗದಲ್ಲಿದೆ. ಗರೋಡಿಯು 2017ರಲ್ಲಿ ಜೀರ್ಣೋದ್ಧಾರಗೊಂಡಿದೆ.
ಶಂಕರಪರವ, ಮುಂಡ್ಲಿ ಜಾರ್ಕಳ ಮತ್ತು ಸಂಘಡಿಗರು ಈ ಗರೋಡಿಯ ನೃತ್ಯವಿಶಾರದರಾಗಿ, ಬೀಚು ಮಡಿವಾಳ ಮುಂಡ್ಲಿ ಇವರು ಮಡಿವಾಳರಾಗಿ, ನಾರಾಯಣ ದೇವಾಡಿಗ ಕೆರ್ವಾಶೆ ವಾದ್ಯದವರಾಗಿ ಈ ಗರೋಡಿಯ ಸೇವೆ ಮಾಡುತ್ತಿದ್ದಾರೆ.
ಮಾಹಿತಿ ನೀಡಿದವರು ಮತ್ತು ಮಾಹಿತಿ ಸಂಗ್ರಹಿಸಿದವರು
ಗರೋಡಿಯ ವಿಳಾಸ:
ಶ್ರೀ ಕೊಡಮಣಿತ್ತಾಯ ಸ್ಥಾನ ಗರೋಡಿ, ಶ್ರೀ ಬ್ರಹ್ಮಬೈದರ್ಕಳ ಸ್ಥಾನ ಗರೋಡಿ, ಮುಂಡ್ಲಿ ಜಾರ್ಕಳ,
ಜಾರ್ಕಳ ಅಂಚೆ, ಕಾರ್ಕಳ ತಾಲೂಕು, ಉಡುಪಿ – 576101
ಜಾರ್ಕಳ ಅಂಚೆ, ಕಾರ್ಕಳ ತಾಲೂಕು, ಉಡುಪಿ – 576101
ಪೂ ಪೂಜನೆಯವರು:
ವಿಶ್ವನಾಥ ಪೂಜಾರಿ -968629459
ಮೊಕ್ತೇಸರರು:
ಸಂಪತ್ ಕುಮಾರ್ ಹೆಗ್ಡೆ -8971569302
ಮಾಹಿತಿ ನೀಡಿದವರು:
ಸಂಪತ ಕುಮಾರ ಹೆಗ್ಡೆ
ವಿಶ್ವನಾಥ ಪೂಜಾರಿ
ವಿಶ್ವನಾಥ ಪೂಜಾರಿ
ಮಾಹಿತಿ ಸಂಗ್ರಹಿಸಿದವರು:
ಎ. ಮಾಧವ ಆದಿಉಡುಪಿ
ಹರೀಶ್ ಎಮ್. ಕೆ. ಕಲ್ಮಾಡಿ
ಹರೀಶ್ ಎಮ್. ಕೆ. ಕಲ್ಮಾಡಿ
ಮಾಹಿತಿ ಸಂಗ್ರಹಿಸಿದ ದಿನಾಂಕ:
16-07-2025